《灰姑娘》

關閉
  • 譯者謝杰雄
  • 配音彭月春

華語導讀

父親娶了新太太,繼母和兩個女兒經常欺負小女兒灰姑娘。有天國王舉辦舞會,繼母和姊姊不讓灰姑娘參加。灰姑娘該怎麼做才能參加舞會,得到王子的心呢?

客語故事內容

頭擺有一個當有錢个生理人,厥餔娘過身咧,佢又討一個接腳个新餔娘。
新餔娘原本有兩個妹仔,生理人自家乜有一個妹仔,年紀最細。

逐擺生理人出去做生理,後哀就分最細个妹仔換著(chogˋ)爛衫爛褲,
喊佢洗衫煮飯,還愛拚煙囪笐。
因為佢膴身頂總係火灰了了,
後哀摎該兩個阿姊都安佢「灰姑娘」。

有一年,國王愛摎王子擇餔娘,
辦一連兩日个皇家舞會,請各地个細阿妹仔來參加。
灰姑娘个兩個阿姊,緊拚拚仔在該擇舞會愛著个衫褲摎䯋鍊這兜。
灰姑娘問後哀:「𠊎做得乜去參加舞會無?」
後哀講:「你著該領火灰了个爛衫去跳舞啊?會分人笑死去!」

舞會該日,
灰姑娘在棚頂,看等後哀摎阿姊暢壢壢仔愛去參加舞會,
佢佇毋着斯噭出來。
就這量時,出現一個老阿婆,
佢講,佢係灰姑娘个修女,做得實現灰姑娘个願望。
灰姑娘講:「𠊎想愛去參加舞會,毋過無衫好著,乜無馬車好坐!」
修女講:「這簡單!」

修女尋來一隻大黃瓠,過(goˊ)用魔法棍仔點一下。
哇──黃瓠斯變做一輛派頭个馬車!
續下來,佢尋來七隻老鼠,
摎其中六隻變做馬,第七隻老鼠就變做車夫。

包尾佢搖啊搖魔法棍仔,
灰姑娘个爛衫,斯變做金惹惹个銀色禮服!
還合配一雙金金个玻璃鞋。

這量時修女對灰姑娘講:
「好好去搞!毋過記得愛在半夜十二點前轉到屋下。
十二點過後,所有个東西都會變轉原本个形!」

灰姑娘坐等馬車來到皇宮,
王子看着恁靚个灰姑娘,跈等就愛着佢。
佢湊灰姑娘共下跳舞,佢兜跳歸暗晡,
兩個阿姊摎後哀都無認出,這靚靚靚个細妹仔係灰姑娘。

灰姑娘看着時鐘十一點四十五分,
遽遽摎王子講佢愛轉咧,續等就坐馬車轉去咧。

第二日,
修女還係為灰姑娘準備好馬車摎車夫,還有靚靚个衫褲,
要求佢:「愛記得,定著愛在十二點以前轉來哦!」

王子看着灰姑娘當暢,佢兜快樂个跳舞。
因為忒歡喜咧,灰姑娘毋記得愛注意時間,
在鐘聲響起十二響个時節,佢正緊拚拚(biangˇ)離開皇宮。
下梯排个時節,佢無注意跌忒一隻玻璃鞋。
王子拈起玻璃鞋,看等馬車緊走緊遠。

王子派大臣帶等玻璃鞋去各地宣布,
係有細妹仔著得玻璃鞋,王子就討佢做餔娘。
全國个細妹仔都搶等來排列仔來試着,毋過無人个腳係堵好个。
包尾,大臣拿等玻璃鞋來到灰姑娘个屋下。

大姊个腳忒大,塞毋落去;
二姊个腳忒細,鞋著毋核,跌下來。

大臣發現囥在壁角个灰姑娘,愛佢乜來試著看啊。
兩個阿姊笑講:「灰姑娘骯骯髒髒(音oˋ oˋ zoˋ zoˋ),無可能去舞會个。」
無想着,灰姑娘摎腳放到玻璃鞋裡背,嗄堵堵好!

大臣總算尋着未來个王妃,
所以斯摎灰姑娘接落宮肚,
王子認出灰姑娘就係摎佢跳舞个細阿妹仔,
國王當暢,下令為佢兜舉行鬧熱个結婚典禮。






【華語原文】

從前有一個有錢的商人,他在妻子去世後,又娶了新的妻子。
新妻子原本有兩個女兒,商人自己也有一個女兒,年紀最小。

每當商人外出做生意,後母就給小女兒換上破衣服,
叫她洗衣燒飯,還要清理煙囪。
因為她的身上總是沾滿煤灰,
後母和姊姊們都叫她「灰姑娘」。

有一年,國王為了幫王子選妻子,
要舉辦一連兩天的皇家舞會,邀請各地少女來參加。
灰姑娘的兩個姊姊,忙著挑選舞會要穿的禮服和首飾。
灰姑娘問後母:「我也可以去參加舞會嗎?」
後母說:「你穿那件滿是煤灰的破衣服跳舞嗎?別笑死人了!」

舞會那天,
灰姑娘在閣樓上,看著後母和姊姊開心的去參加舞會,
忍不住哭了起來。
這時,出現一個老婆婆。
她說,她是灰姑娘的教母,可以實現灰姑娘的願望。
灰姑娘說:「我想去參加舞會,可是沒衣服穿,也沒馬車可以坐!」
教母說:「這個容易!」,

教母找了一顆大南瓜,然後用魔棒點一下。
哇──南瓜變成了豪華的馬車!
接著,她找來七隻老鼠,
把其中六隻變成馬匹,第七隻老鼠則變成車夫。

最後她揮舞魔棒,
灰姑娘的破衣服,竟然變成閃亮的銀色禮服!
還配上一雙晶瑩的玻璃鞋。

這時教母對灰姑娘說:
「去好好玩吧!不過記得要在午夜十二點以前回家。
十二點以後,所有的東西都會恢復原樣!」

灰姑娘乘著馬車來到皇宮,
王子看到美麗的灰姑娘,立刻愛上她。
他邀灰姑娘一起跳舞,他們跳了一整個晚上,
兩個姊姊和後母都沒有認出,這個美麗的女孩是灰姑娘。

當灰姑娘看到時鐘指著十一點四十五分時,
趕緊跟王子道別,坐馬車離開。

第二天,
教母依舊為灰姑娘準備好馬車和車夫,以及美麗的禮服,
叮嚀著:「別忘記,一定要在十二點以前回來唷!」

王子看到灰姑娘非常高興,他們快樂的跳著舞。
因為太開心,灰姑娘忘了注意時間,
當鐘聲響起十二響時,她才慌張的離開皇宮。
跑下台階時,她不小心掉了一隻玻璃鞋。
王子撿起玻璃鞋,並看著馬車走遠。

王子派大臣帶著玻璃鞋到各地宣布,
只要哪個女孩能夠穿上玻璃鞋,王子就娶她為妻。
全國的女孩都搶著排隊試穿鞋子,但是沒有人的腳適合。
最後,大臣帶著玻璃鞋來到灰姑娘的家 

大姊的腳太大,塞不進玻璃鞋;
二姊的腳太小,鞋子穿不住,掉下來。

大臣發現躲在角落的灰姑娘,要她也來試穿。
兩個姊姊笑著說:「灰姑娘髒兮兮,不可能去舞會。」
沒想到,灰姑娘把腳放進玻璃鞋裡,竟然剛剛好!

大臣終於找到未來的王妃,
於是把灰姑娘接進宮裡,
王子認出灰姑娘就是跟他跳舞的女孩,
國王很高興,下令為他們舉行盛大的結婚典禮。