《白雪》

關閉
  • 譯者詹淑女
  • 配音周文靜、周碩興

華語導讀

國王再娶的壞心王后,受不了白雪公主比自己漂亮,想要害死她。白雪公主能躲過王后的詭計嗎?又有誰會幫助她呢?

客語故事內容

頭擺有一對恩愛个國王摎皇后,佢兜緊想愛有個細人仔。
有一年寒天,皇后坐在窗門脣繡等花布,
嗄分針刺着手指,血就汀在窗門臺个雪上背。
皇后心肝肚想,當希望有一個皮膚白到像雪,
嘴脣皮紅到像血,頭那毛烏到像烏檀樹个靚妹仔。

一年過後,皇后正經降咧一個靚靚个細公主,名安到「白雪公主」。
打爽啊過無幾久,皇后就過身咧,國王又討咧一個靚靚个新皇后。

新皇后在睡个間房肚懸一面魔鏡,
新皇后逐日都會問:
「魔鏡啊!魔鏡,全世界麼人最靚啊?」
魔鏡逐擺就應講:「皇后世界上你最靚啊。」

幾下年過去,白雪公主大咧變做一個靚靚个細妹仔。
有一日,皇后問:「魔鏡啊!魔鏡,全世界麼儕最靚啊?」
魔鏡嗄應講:「白雪公主係世界上最靚个細妹仔。」

皇后當悶,就恬恬仔喊打獵人摎白雪公主㓾死忒。
打獵个人毋盼得,就偷偷仔摎白雪公主帶到樹林放佢走咧。

白雪公主拉起長長个裙尾,盡命牯个向頭前走去。
佢又悿又枵又驚,這央時在佢个眼前出現一間細屋!
白雪公主𢱤開門,裡肚一儕人都無哦,
就䀴着一張細細个桌摎七張細細个凳,
桌脣有一鑊燒熝熝仔个湯當在該滾等呢。
白雪公主忍毋核食咧一息仔燒湯,佢橫在窗門脣个細眠床項睡忒哩。

臨暗時,細屋个主人轉來哩,佢兜係樹林肚个七個細矮人。
佢兜一入屋,就發現毋著勢咧!
毋過䀴着當睡落覺个白雪,無人盼得來吵醒佢呢。

晨早个日頭花,燒暖照入細屋仔肚,
白雪擘開目珠,䀴着七個細矮人圍在佢个脣項。
細矮人聽咧白雪个遭遇了後講:
「係講你肯𢯭手𠊎兜煮飯拚掃、攣衫補褲个話,
就留下來摎𠊎兜共下戴好哩!」
白雪斯歡喜壢天應好哩喲。

過咧幾日仔,皇后過問魔鏡:「魔鏡啊!魔鏡,全世界麼人最靚啊?」
魔鏡應講:「皇后,雖然你非常个靚,
毋過戴在森林肚,七個細矮人屋下个白雪,正係世界上盡靚个細妹人。」

皇后聽啊著,悶到氣傍氣鼓!
佢親身做一粒又大又紅个毒蘋果,
再過打扮做老阿婆,來到細矮人个屋下。
佢搉門了後,對白雪講:
「靚靚个細妹仔,來食隻蘋果哪!」
白雪講:「承蒙你,毋過𠊎做毋得提生份人个東西。」
皇后講:「該俚一儕一半好哩!」
皇后切開蘋果,摎有毒个一半提分白雪,白雪咬咧一口……

暗晡夜,七個細矮人轉到屋肚,
䀴白雪橫在地泥項,佢兜又驚又傷心。
細矮人佢兜摎白雪裝入玻璃棺肚,扛到矮山頂,輪流守在玻璃棺个脣頭,
連細動物該兜乜傷心圍在佢个四周圍哦。

有一日,王子堵好行到矮山來,佢黏時就愛着睡在玻璃棺肚个白雪。
王子對細矮人講:「請摎白雪交分𠊎啦!𠊎定着會好好保護佢啦。」
王子扶起白雪該下,無細義將佢个膴身停動咧一下!
硬在白雪喉嗹頭个毒蘋果,嗄翻出來咧!
佢定定仔擘開目珠來。

王子當歡喜問:「你肯嫁分𠊎無?」
白雪䀴着王子,偎羞个頭那頷啊頷仔。

過無幾久,皇后收着王子个結婚請帖,
佢打扮到當靚在魔鏡面前問:
「魔鏡啊!魔鏡,全世界麼人最靚啊?」
魔鏡應講:「皇后,您雖然非常个靚,
毋過新娘白雪,正係全世界最靚个細妹人哦!」

皇后趕到婚禮會場,䀴着靚靚个新娘白雪,閼到強強會發癲哩!

白雪摎王子辨咧異鬧熱又派頭个婚禮哦。






【華語原文】

從前有一對恩愛的國王和皇后,他們一直想要有個小孩。
一年冬天,皇后坐在窗邊繡著花布,
被針刺到手指,鮮血滴落在窗臺的白雪上。
皇后心想,真希望有一個皮膚白得像雪,
嘴唇紅得像血,頭髮烏亮像黑檀木的美麗女兒。

一年後,皇后果然生下一個美麗的小公主,取名叫白雪。
可惜不久後,皇后就去世了,國王又娶了一個美麗的新皇后。

她在寢室裡掛著一面魔鏡,
新皇后每天都會問:
「魔鏡啊!魔鏡,世界上誰最美麗?」
魔鏡每次都會回答:「皇后世界上您最美麗。」

幾年過去,白雪長成一位美麗的少女。
有一天,皇后問:「魔鏡啊!魔鏡,世界上誰最美麗?」
魔鏡竟然回答:「白雪是世界上最美麗的女人。」

皇后非常生氣,悄悄叫獵人將白雪殺了。
獵人不忍心,偷偷把白雪帶到森林裡放走。

白雪拉起長長的裙擺,拼命往前跑。
她又累又餓又害怕,這時眼前出現一間小屋!
白雪推開門,裡面一個人都沒有,
只看到一張小小的桌子和七張小小的椅子,
桌子邊有一鍋熱呼呼的湯正在滾著。
白雪忍不住喝了一些熱湯,躺在窗戶旁的小床上睡著了。

傍晚時,小屋子的主人回來了,他們是森林中的七個小矮人。
他們一進家門,就發現有些不對勁!
但是看到熟睡的白雪,沒有人忍心吵醒她。

早晨的陽光,暖暖的照進小屋,
白雪睜開眼,看見七個小矮人圍在身旁。
小矮人聽完白雪的遭遇後說:
「如果你願意幫我們煮飯打掃,縫補衣服的話,
就留下來跟我們一起住吧!」
白雪開心的答應了。

過了幾天,皇后再度問魔鏡:「魔鏡啊!魔鏡,世界上誰最美麗?」
魔鏡回答:「皇后,雖然您非常美麗,
不過住在森林七個小矮人家裡的白雪,才是世界上最美麗的女人。」

皇后一聽,氣到快爆炸!
她親自動手做了一顆又大又紅的毒蘋果,
然後打扮成一個老婆婆,來到小矮人家。
她敲敲門,對白雪說:
「美麗的女孩,吃顆蘋果吧!」
白雪說:「謝謝你,但是我不能拿陌生人的東西。」
皇后說:「那麼我們一人一半吧!」
皇后切開蘋果,將有毒的一半拿給白雪,白雪咬了一口……

晚上,七個小矮人回到小屋,
發現白雪倒在地上,他們又驚訝又傷心。
小矮人們將白雪裝進玻璃棺材,抬到小山丘,輪流守在棺木旁,
連小動物們也都哀傷的圍繞在四周。

有一天,王子偶然經過山丘,他一眼就愛上了躺在棺木裡的白雪。
王子對小矮人說:「請將白雪交給我吧!我一定會好好保護她的。」
王子扶起白雪時,不小心震動了一下!
卡在白雪喉嚨裡的那口毒蘋果,嗆了出來!
她慢慢張開雙眼。

王子高興的問:「你願意嫁給我嗎?」
白雪看著王子,害羞的點點頭。

不久,皇后收到王子的結婚請帖,
她打扮華麗的在魔鏡的前面問:
「魔鏡啊!魔鏡,世界上誰最美麗?」
魔鏡回答:「皇后,您雖然非常美麗,
但是新娘白雪,才是世界上最美麗的女人!」

皇后趕到婚禮,看見美麗的新娘白雪,簡直氣瘋了!

白雪和王子的婚禮熱鬧又華麗。