《白雪》

關閉
  • 譯者陳志寧
  • 配音宋菁玲、謝國玄

華語導讀

國王再娶的壞心王后,受不了白雪公主比自己漂亮,想要害死她。白雪公主能躲過王后的詭計嗎?又有誰會幫助她呢?

客語故事內容

頭擺有一對恩愛个國王同皇后,佢等緊想愛降一個細人仔。
有一年寒天,皇后坐在窗仔脣口繡等花布,
分針刺着手指,血跌啊在窗仔个白雪項。
皇后心肚仔愐,盡想愛有一個皮膚白啊像雪,
嘴唇紅啊像血,頭那毛烏到反金像烏檀木恁鬧个妹仔。

一年過後,皇后正式降吔一個盡鬧个細公主,安到「白雪」。
無採過無幾久,皇后就過身吔,國王又討過一個盡鬧个新皇后。

佢在睡目間挽等一面奇術鏡仔,
新皇后每日都會問:
「奇鏡啊!奇鏡,世間項麼人係最鬧个?」
奇鏡每擺都會應講:「皇后你係世間項最鬧个。」

幾下年過去吔,白雪大啊變一個盡鬧个細妹仔。
有一日,皇后問:「奇鏡啊!奇鏡 世間項麼人最鬧?」
奇鏡嗄應話講:「白雪係世間項最鬧个細妹仔。」

皇后盡譴,偷偷仔喊獵人同白雪㓾死。
獵人惡毋下心,偷偷同白雪帶去森林裡背放佢走。

白雪牽起長長个裙尾,盡命牯瀉前去。
佢又𤸁肚又飢又驚,這時節在厥眼前出現一間細屋仔!
白雪𢱤開門,裡背半個人都無,
淨看着一張細細个桌仔同七張細細个凳仔,
桌仔脣口有一鑊燒熝熝還滾等个湯。
白雪佇毋著啉吔一息燒湯,眠啊窗仔脣个細眠床項睡核吔。

臨暗,細屋仔个主人歸來吔,佢等係森林裡背个七個細矮牯仔。
佢等一入屋,就發現有息把仔怪怪!
毋過看着睡落覺个白雪,無人盼得同佢喊醒。

朝晨个日花,燒暖个照等細屋仔,
白雪擘開目珠,看着七個細矮牯仔圍啊脣口。
細矮牯仔聽核白雪受着个事過後講:
「係講你肯同𠊎等𢯭手煮飯清絜,攣衫補褲,
就留下來同𠊎等共下歇!」
白雪歡喜个答應吔。

過吔幾下日,皇后又再問奇鏡:「奇鏡啊!奇鏡,世間項麼人最鬧?」
奇鏡應講:「皇后,雖然你盡鬧,
毋過歇啊在森林七個細矮牯仔屋家个白雪,正係世間項最鬧个細妹仔。」

皇后一聽啊着,譴到砰砰滾!
佢親手做吔一粒又大又紅个毒蘋果,
續下來打扮做一個老阿婆,來到細矮牯仔个屋家,
佢門𢼛啊𢼛吔,同白雪講:
「恁鬧个細啊妹仔,食一粒蘋果啦!」
白雪講:「多謝你,毋過𠊎使毋得拿生疏人个東西。」
皇后講:「嘎無𠊎等一儕一半好吔!」
皇后同蘋果切開來,同有毒个一半拿分白雪,白雪咬吔一口……

暗晡頭,七個細矮牯仔歸到細屋仔
發現白雪橫啊在地泥項,佢等著驚又傷心。
細矮牯仔佢等同白雪裝入玻璃棺材,扛到細崙仔項,輪流在棺材脣掌等,
連該兜細動物乜悲傷个在脣口圍等。

有一日,王子臨臨時个對崙仔過,佢一看啊着眠在棺木裡背个白雪就愛著吔。
王子同細矮牯仔講:「請同白雪交分𠊎啦!𠊎定著會好好个保護佢。」
王子扶白雪䟘起該下,無細義掞動吔一下!
哽在白雪蛤蟆胲个該口毒蘋果,嗽出來吔!
佢慢慢仔擘開目珠。

王子暢啊緊問:「你肯嫁分𠊎無?」
白雪看等王子,畏笑个頷等頭。

過無幾久,皇后收着王子結婚个帖仔,
佢打扮啊盡鬧个在奇鏡面前問:
「奇鏡啊!奇鏡,世間項麼人最鬧?」
奇鏡應講:「皇后,你雖然盡鬧,
毋過新娘白雪,正係世間項最鬧个細妹仔!」

皇后逐到婚禮會場,看着盡鬧个新娘白雪,譴啊會發癲。

白雪同王子个結婚典禮鬧熱又派頭。






【華語原文】

從前有一對恩愛的國王和皇后,他們一直想要有個小孩。
一年冬天,皇后坐在窗邊繡著花布,
被針刺到手指,鮮血滴落在窗臺的白雪上。
皇后心想,真希望有一個皮膚白得像雪,
嘴唇紅得像血,頭髮烏亮像黑檀木的美麗女兒。

一年後,皇后果然生下一個美麗的小公主,取名叫白雪。
可惜不久後,皇后就去世了,國王又娶了一個美麗的新皇后。

她在寢室裡掛著一面魔鏡,
新皇后每天都會問:
「魔鏡啊!魔鏡,世界上誰最美麗?」
魔鏡每次都會回答:「皇后世界上您最美麗。」

幾年過去,白雪長成一位美麗的少女。
有一天,皇后問:「魔鏡啊!魔鏡,世界上誰最美麗?」
魔鏡竟然回答:「白雪是世界上最美麗的女人。」

皇后非常生氣,悄悄叫獵人將白雪殺了。
獵人不忍心,偷偷把白雪帶到森林裡放走。

白雪拉起長長的裙擺,拼命往前跑。
她又累又餓又害怕,這時眼前出現一間小屋!
白雪推開門,裡面一個人都沒有,
只看到一張小小的桌子和七張小小的椅子,
桌子邊有一鍋熱呼呼的湯正在滾著。
白雪忍不住喝了一些熱湯,躺在窗戶旁的小床上睡著了。

傍晚時,小屋子的主人回來了,他們是森林中的七個小矮人。
他們一進家門,就發現有些不對勁!
但是看到熟睡的白雪,沒有人忍心吵醒她。

早晨的陽光,暖暖的照進小屋,
白雪睜開眼,看見七個小矮人圍在身旁。
小矮人聽完白雪的遭遇後說:
「如果你願意幫我們煮飯打掃,縫補衣服的話,
就留下來跟我們一起住吧!」
白雪開心的答應了。

過了幾天,皇后再度問魔鏡:「魔鏡啊!魔鏡,世界上誰最美麗?」
魔鏡回答:「皇后,雖然您非常美麗,
不過住在森林七個小矮人家裡的白雪,才是世界上最美麗的女人。」

皇后一聽,氣到快爆炸!
她親自動手做了一顆又大又紅的毒蘋果,
然後打扮成一個老婆婆,來到小矮人家。
她敲敲門,對白雪說:
「美麗的女孩,吃顆蘋果吧!」
白雪說:「謝謝你,但是我不能拿陌生人的東西。」
皇后說:「那麼我們一人一半吧!」
皇后切開蘋果,將有毒的一半拿給白雪,白雪咬了一口……

晚上,七個小矮人回到小屋,
發現白雪倒在地上,他們又驚訝又傷心。
小矮人們將白雪裝進玻璃棺材,抬到小山丘,輪流守在棺木旁,
連小動物們也都哀傷的圍繞在四周。

有一天,王子偶然經過山丘,他一眼就愛上了躺在棺木裡的白雪。
王子對小矮人說:「請將白雪交給我吧!我一定會好好保護她的。」
王子扶起白雪時,不小心震動了一下!
卡在白雪喉嚨裡的那口毒蘋果,嗆了出來!
她慢慢張開雙眼。

王子高興的問:「你願意嫁給我嗎?」
白雪看著王子,害羞的點點頭。

不久,皇后收到王子的結婚請帖,
她打扮華麗的在魔鏡的前面問:
「魔鏡啊!魔鏡,世界上誰最美麗?」
魔鏡回答:「皇后,您雖然非常美麗,
但是新娘白雪,才是世界上最美麗的女人!」

皇后趕到婚禮,看見美麗的新娘白雪,簡直氣瘋了!

白雪和王子的婚禮熱鬧又華麗。