《揚蝶仔新衫》

關閉
  • 譯者烏衣行
  • 配音李幸妃、廖烈震

華語導讀

裁縫想用活生生的蝴蝶,為國王織出美麗的新衣。小徒弟不忍心,把蝴蝶全放了!這下國王的新衣要怎麼辦呢?

客語故事內容

古早有一個國王,佢愛着隔壁國家个公主杜蘭。
擱過三日,國王即討和杜蘭公主相見面,
佢真擘心,遐日愛著麼个正好?

國王企在鏡頭前試著衫褲。
丑子講:「國王,你恁緣投,無論著麼个攏好䀴。」
著一領擱一領,國王攏無滿意。
這個時有一個衛兵講:
「有一個做衫師傅講,有物件討獻得國王。」

國王喊做衫个入宮,做衫師傅渡佢个小師子入來,
國王問:「你有物件討得𠊎?」
做衫師傅講:「即係這領衫。」
佢提出一領衫,逐個人个目珠即像電火點著共款,擘到金金,
遐領衫褲像水晶又像星光,係普通人無法度做个色地。

國王一著着新衫,對鏡一照,害佢掣一下!
佢若像䀴着歸身臭火燒个細隻鳥,在遐烏白飛烏白唩。
國王對做衫師傅講:「這領新衫無好䀴,你擱做一領較好个。」

做衫師傅想出一個新奇个步數,
佢捉真多蝶仔來,拁佢人个翼捋起來,
擪在布料面上,印做各種花樣。

毋過正做到一半,做衫師傅即發現蝶仔毋罅。
佢對小師子講:「𠊎猶愛擱去捉一兜特別个蝶仔。
𠊎轉來進前,你先拁籠內底蝶仔个翼印在布料面上。」

小師子拁籠打開,蝶仔飛到佢个頭那崠。
小師子䀴蝶仔,佢感覺蝶仔真靚,
靚个毋係蝶仔翼个色地,係蝶仔飛起來時个歡喜。
小師子佇毋會核拁籠打開,講:「飛啊,蝶仔!」

蝶仔攏放走,愛提麼个染衫?小師子當在遐擘心,
雄雄䀴着蝶仔圍佢飛,若像討拁佢渡路,
小師子跈蝶仔來到一個山坑,山坑內底滿哪位攏係花,
紅个、青个、黃个,有幾下百種色地!
小師子想着一個好方法,佢捋歸大把个花,
隨轉去,舂到綿綿,調做彩色个色料,
落來用筆照佢个想像,畫在畫布面上。

做衫師傅轉來个時,師子拁事情經過攏講出來。
做衫師傅䀴着小師子个大作,真誠安哢。

翻轉日,國王著靚靚个新衫去拁杜蘭公主求婚,
兩個國家个臣民攏真歡喜,
佢人歕喇叭打鼓,猶放煙火來慶祝。
做衫師傅立了大功,毋過大家嗄添放啊,猶有一個小師子。

有一日,國王去樹林內底打獵,好定泥頭那崠飛來一陣蝶仔。
國王臥頭著面䀴蝶仔,著面行,
無注意嗄跌入一個窟,窟內底像潑墨水共款烏疏疏。
國王臥頭䀴向前,遠遠遐有一個空口,
國王寬寬行,好定泥感覺有風,猶䀴會着光,
風對四脣个屋下和田洋吹過來,得人歸身快活。

國王行入莊內底,發現遐跡位个人衫褲攏著到真靚,
毋管色地抑係樣式,攏比佢个靚。
國王問:「你人个衫係麼儕做个?」
莊人回答:「係小師子。」
國王這滿正知,
幾時遐個做衫師傅,知小師子會做靚靚个衫,即真發目赤,
趁小師子無注意,拁佢𢳪入窟內底!
小師子來到這個莊頭,即蹛在這,鬥相共佢人做衫。

國王問小師子:「你討仰子罰遐個害你个做衫師傅?」
小師子無講事。

小朋友請想䀴望,
若係你,仰子个責罰頭適當?






【華語原文】

頭擺有一個國王從前有個國王,他愛上鄰國的公主杜蘭。
再過三天,國王就要跟杜蘭公主見面,
他很煩惱,當天該穿什麼好?

國王站在鏡子前試穿衣服。
小丑說:「國王,您很英俊,不論穿什麼都好看。」
穿了一件又一件,國王通通不滿意。
這時有個衛兵說:
「有個裁縫說,有東西要獻給國王。」

國王叫裁縫進宮,裁縫帶著小徒弟進來,
國王問:「你有東西要給我?」
裁縫說:「就是這件衣服。」
他拿出一件衣服,每個人的眼睛就像點了燈,亮了起來,
那衣服像水晶又像星星,是凡人無法創造的色彩。

國王穿上新衣,往鏡子一照,嚇了他一跳!
他好像看到全身都是燒焦的小鳥,在亂飛亂叫。
國王對裁縫說:「這件新衣不好看,你再做一件更好的。」

裁縫想出一個新鮮的點子,
他抓來許多蝴蝶,摘下牠們的翅膀,
壓在布料上,印成各種花樣。

可是才做到一半,裁縫便發現蝴蝶不夠。
他對小徒弟說:「我還要再去抓些特別的蝴蝶。
在我回來以前,你先把籠子裡的蝴蝶翅膀印在布料上。」

小徒弟打開籠子,蝴蝶飛到他的頭上。
小徒弟看著蝴蝶,他發覺蝴蝶好美,
美的不是蝴蝶翅膀的顏色,而是蝴蝶飛翔時的快樂。
小徒弟忍不住打開籠子,說:「飛吧,蝴蝶!」

蝴蝶全放跑,拿什麼染衣料?小徒弟正煩惱,
忽然看見蝴蝶圍著他飛舞,好像要為他帶路,
小徒弟跟著蝴蝶來到一個山谷,山谷裡開滿了花朵,
紅的、藍的、黃的,有好幾百種顏色!
小徒弟想到一個好辦法,他採了一大把鮮花,
帶回去搗碎,調成彩色顏料,
然後用筆依照他的想像,畫在畫布上。

裁縫回來時,徒弟把事情經過都告訴他。
裁縫看到小徒弟的傑作,忍不住叫好。

第二天,國王穿著美麗的新衣去跟杜蘭公主求婚,
兩個國家的臣民都非常高興,
他們吹喇叭打鼓,還放煙火慶祝。
裁縫立了大功,可是大家全忘了,他還有個小徒弟。

有一天,國王到森林裡打獵,忽然頭頂飛來一群蝴蝶。
國王抬起頭一邊看蝴蝶,一邊走,
不小心掉進一個地洞,地洞裡就像潑了墨水似的一片漆黑。
國王抬起頭往前看,遠遠出現一個洞口,
國王慢慢的走,忽然感覺到風,還看到亮光,
風從四周的房子和田園飄來,讓人全身舒暢。

國王走進村莊,發現那裡的人穿著非常美麗的衣服,
不管顏色或樣式,都比他的漂亮。
國王問:「你們的衣服是誰做的?」
村人回答:「是小裁縫。」,
國王這才發現,
原來那個裁縫,發現小徒弟能做漂亮的衣服,十分忌妒,
便趁小徒弟不注意,把他推進地洞裡!
小徒弟來到這個村莊,住下來幫他們做衣裳。

國王問小徒弟:「你要怎麼處罰那個害你的裁縫?」
小徒弟沒說話。

小朋友請想一想,
如果是你,什麼樣的處罰最恰當?