《英雄毋驚貓公》

關閉
  • 譯者徐登志
  • 配音羅乙心、羅宏昇

華語導讀

只有老鼠的天堂島上來了觀光客,也來了貓。有隻老鼠主動去幫貓掛鈴噹,成了英雄。但老鼠還是一天天的消失不見,究竟發生了什麼事呢?

客語故事內容

在大海个另外一向,有一粒天堂島,島項有老鼠無貓公。
這兜老鼠逐日食飽尞,尞飽食,
唱歌跳舞,快樂都耐(音naiˋ)毋得。

島項有一隻老鼠安做哥布,
哥布從細斯想愛渡海,去尋新个天堂。
有一日佢駛船出海探險,
過了當久,哥布轉來咧,還帶轉來歸船个觀光客。

天堂島有淨俐个空氣,青荷荷个草坪,
這兜都係別位所在無个寶貴資源!
這兜人斯同老鼠買土地,起旅館、電影院同商店。

有一日,哥布个餔娘看着窗門外背有一個細人行過,手項拿一隻玩具。
佢對哥布講:
「該玩具還得人惜喔,𠊎乜愛一隻。」
哥布一看着,嚇去歸身出冷汗,
「大戇嫲!該係捉老鼠个武器啊!」

好事毋出門,壞事傳千里,
該兜老鼠做下尖入哥布屋家肚。
哥布打開一本書,指書肚个圖講:
「這種東西个名安做貓公,人畜佢來捉老鼠。
𠊎既經知著,人類將貓公帶來天堂島!」

一隻老鼠講:
「哥布還偉大,係無佢,等都毋知有危險。」
另外一隻老鼠講:
「係無哥布,人類也毋會來天堂島!等本來幸福過日!」
有兜老鼠同哥布𢯭講話,有兜煞猛罵佢,
緊吵緊大聲,相打比背咧。

哥布講:「天堂島項有貓公,等斯慘咧!
尋一個鈴琅吊在貓公个頸根,聽着鈴琅(音lin+ longˊ)聲,斯知貓公來咧!」
大家都講這主意當好,毋過麼人去吊鈴琅呢?
大丹當有膽,擎手講:「𠊎去!」

該暗晡,大丹走入貓公个屋家,
跋上貓公个背囊,將鈴琅吊好。
貓公睡都當沉,無停無動。
大丹冒險成功,變天堂島个英雄。
佢同大家講:
「該隻貓公還得人驚哦,牙豺豺(saiˇ)唷,
𠊎將鈴琅擲往上,堵好漯(音lab^)着厥頸根。」
大家拍手安𧩣:「英雄毋驚貓公!」

大丹變做老鼠个英雄,
哥布愐毋通,仰脣無聽着鈴琅个聲呢?
哥布鑽到人戴个所在,尋着貓公。
「大丹這雞胲仙,貓公个頸根無鈴琅!」
毋過哥布單淨聽着一聲「喵」,斯麼个都毋知咧……

過後連緊幾下日,都有老鼠毋見撇,算來係仰脣呢?
大丹決定去查清楚,佢發現鈴琅好好吊在貓公頸根項。

毋過毋見撇个老鼠緊來緊多,
大丹想:「準講毋係貓公,敢係有麼人在該變鬼變怪?
定著愛同歪(vai+)人挱(音saˊ)出來,係無天下斯會大亂咧!
毋管哪個人係歪人,先挱起來正講,準講挱毋著也毋怕。」

第二日,大丹挱出三隻老鼠,
厥等嚇都半生死,毋知自家做毋著麼个事情。
斯在大丹愛宣布判決个時節--
「哇!貓公來咧啦!」
「死皺咧,遽遽走命哦!」

「等一下!」
大丹正經係天堂島个英雄,佢定定講:
「這毋係正經个貓公,正經个貓公頸根項有吊鈴琅……」
厥話還吂講撇,單淨聽着一聲「喵~」,大丹斯毋見撇咧。

大丹去哪呢?大家都知。
天堂島啊天堂島,島項个英雄毋驚貓公。






【華語原文】

在大海的那一邊,有一座天堂島,島上只有老鼠沒有貓。
老鼠們每天吃吃喝喝,
唱歌跳舞,快樂得不得了。

島上有隻老鼠名叫哥布,
哥布從小就想越過海洋,尋找新的天堂。
有一天他駕著船出海探險,
過了很久,哥布回來了,還帶來一船的觀光客。

天堂島有乾淨的空氣,綠油油的草地,
這些都是別的地方沒有的,最珍貴!
於是,人們向老鼠買土地,蓋起旅館、電影院和商店。

有一天,哥布的太太看到窗外有個小孩經過,手上拿著一個玩具。
她對哥布說:
「那個玩具真可愛,我也要一個。」
哥布一看,嚇出一身冷汗。
「笨蛋!那不是玩具,是殺老鼠的武器!」

好事不出門,壞事傳千里,
老鼠們全都擠進哥布家。
哥布打開一本書,指著書上的圖說:
「這種東西名字叫做貓,人們養牠來吃老鼠。
我剛剛發現,人類已經把貓帶來天堂島!」

一隻老鼠說:
「哥布真偉大,要不是他,我們都不曉得有危險。」
另一隻老鼠說:
「要不是哥布,人類也不會來天堂島!我們會活得好好!」
有的老鼠幫哥布說話,有的拼命罵他,
越吵越兇,甚至打了起來。

哥布說:「天堂島上有貓,我們就糟糕!
找個鈴鐺掛在貓身上,聽到叮噹響,便知貓來到。」
大家都說主意好,可是誰去掛鈴鐺?
大丹很勇敢,舉起手說:「我去!」

那天晚上,大丹溜進貓在的地方,
爬到貓的背上,掛好鈴鐺。
貓睡得好熟,一動也沒動。
大丹冒險成功,成了天堂島的英雄,
他告訴大家:
「那貓好可怕,露出大尖牙,
我把鈴鐺往上拋,正好套住牠的脖子。」
大家拍手叫好:「英雄不怕貓!」

大丹成為老鼠的英雄,
只有哥布想不通,為什麼沒有聽到鈴鐺響?
哥布溜進人住的地方,找到了貓:
「大丹這個吹牛大王,貓的脖子上根本沒有鈴鐺!」
不過哥布只聽到一聲「喵」,便什麼也不知道……

之後一連好幾天,都有老鼠不見,到底是怎麼回事?
大丹決定去查個明白,他發現鈴鐺好好的掛在貓脖子上。

可是失蹤的老鼠越來越多,
大丹想:「如果不是貓,難道有誰在搗蛋?
一定要把壞蛋抓出來,否則天下會大亂!
不管誰是壞蛋,先抓再說,就算抓錯也不管。」

第二天,大丹抓出三隻老鼠,
他們都嚇得半死,不知道自己做錯了什麼事。
大丹正要宣布判決時--
「哇!貓來啦!」
「不得了,趕快逃!」

「等一下!」
大丹不愧是天堂島的英雄,他鎮定的說:
「這不是真貓,真貓的脖子上有掛鈴鐺……」
他的話還沒說完,只聽到一聲喵,大丹便不見了。

大丹去了哪兒,大家都知道。
天堂島啊天堂島,島上的英雄不怕貓。